ഒരു ജന്മദിനത്തിന്റെ ഓര്‍മയ്ക്ക് :)

ദിവസം :ജൂലൈ 19, 2012
സമയം : 12.05 AM
മൊബൈല്‍ നിര്‍ത്താതെ അടിക്കുന്നത് കേട്ട് ഞാന്‍ ഞെട്ടിയുണര്‍ന്നു.
 "അനാമിക" കാളിംഗ്......
അനാമിക- കുറച്ചു മാസങ്ങള്‍ക്ക് മുന്‍പ്‌ വരെ എനിക്ക് ഏറ്റവും പ്രിയപ്പെട്ടവള്‍ ആയിരുന്നവള്‍.., ഇവളെന്താ ഈ നേരത്ത്? 
ഇനി പഴയത് വല്ലതും പറഞ്ഞു തീര്‍ക്കാനാണോ, 
അതോ പുതിയത് വല്ലതും തുടങ്ങാനാണോ എന്നൊക്കെ ആലോചിച്ചു ഞാന്‍ കാള്‍ അറ്റന്‍ഡ് ചെയ്തു..
"ഹെലോ, ഇത് ഞാനാണ് അനാമിക",
"മനസ്സിലായി, ഞാന്‍ നമ്പര്‍ ഡിലീറ്റ് ചെയ്തിട്ടൊന്നുമില്ല. എന്തേ?",
"ഹാപ്പി ബര്‍ത്ത് ഡേ ഷാം..."
ഓ... അതാണ്‌ കാര്യം... ഞാന്‍ മറന്നെങ്കിലും ഇവള്‍ ഓര്‍ത്തല്ലോ...
ഒരുപാട് സന്തോഷം തോന്നി.
That means She still remembers me..., still loves me...
അപ്പൊ ഹോപ്‌ ഉണ്ട്‌...!!!!..,....

താങ്ക്സ് പറയുവാന്‍ ഞാന്‍ തുനിഞ്ഞപ്പോഴേക്കും അവള്‍ വീണ്ടും മൊഴിഞ്ഞു..,
"സനലേട്ടന്‍ ഉണരും.. ഞാന്‍ വെക്കുവാ...
ഹാപ്പി ബര്‍ത്ത് ഡേ വണ്‍സ് മോര്‍..".,"
--------------------------------------------------
പ്ലിം....!!!!!! :=)
സന്തോഷമൊക്കെ എങ്ങോട്ടാ പോയതെന്ന്പോലും എനിക്ക് മനസ്സിലായില്ല....
മനസ്സില്‍ ആകെ ഒരു പ്ലിം മാത്രം!!!!!

(ഈ കഥയും കഥാപാത്രങ്ങളും തികച്ചും സാങ്കല്‍പ്പികമാണ്.. ജീവിച്ചിരിക്കുന്ന ആരെങ്കിലുമായി സാമ്യം തോന്നുന്നുവെങ്കില്‍ അത് യാദൃശ്ചികം മാത്രം..!!!!!!!!!)

വീണ്ടുമൊരു മുറുക്കാന്‍ കഥ

കറുത്ത രാമനും വെളുത്ത ചീരുവും തമ്മില്‍ വഴക്ക്..

ആയിടെ ജനിച്ച കുട്ടിയുടെ ചുവന്ന നിറത്തെ ചൊല്ലിയാണ് ബഹളം.

ചീരുവിന്റെ പുറത്തടിച്ചു കൊണ്ട് കുട്ടി  ആരാന്‍റെതാണെന്ന് രാമന്‍...............

സ്വന്തം നെഞ്ചത്തടിച്ചുകൊണ്ട്  അല്ല രാമന്റെ ആണെന്ന് ചീരു....

വഴക്ക് തീര്‍ക്കാന്‍ നാട്ടുപ്രമാണി നായരും കാര്യസ്ഥന്‍ കേശുവും എത്തി.

"എടുക്കെടാ കേശു മുറുക്കാന്‍ ചെല്ലം...

കൊടുക്കെടാ നാലും രാമന് .

മുറുക്കെടാ രാമാ നാലും കൂട്ടി..

നീ തുപ്പുന്നതെന്താണെന്നു ഞാന്‍ കാണട്ടെ .."

മുറുക്കാതെ   രാമന്‍ കാര്‍ക്കിച്ചു തുപ്പി . എന്നിട്ട് പുച്ഛത്തോടെ മറുപടി പറഞ്ഞു

"നാലെണ്ണവും കൂട്ടി മുറുക്കിയാല്‍ ചുവന്നു വരുമെന്നെനിക്കറിയാം. പഴയ കഥ ഞാനും കേട്ടിട്ടുണ്ട്. പക്ഷെ, 

വെളുത്ത ചുണ്ണാമ്പാകുന്ന ഇവളും കറുത്ത പൊകലയാകുന്ന ഞാനും മാത്രം  കൂട്ടി മുറുക്കിയാല്‍ ചുവക്കില്ലല്ലോ...

ബാക്കി രണ്ടുപേര്‍ ആരെന്നു ഇവള് പറയട്ടെ.."

കറുത്ത രാമന്‍ പിന്നെയും വെളുത്ത ചീരുവിന്റെ പുറത്ത്  അടി തുടര്‍ന്നു....